من طرف webmaster الأحد سبتمبر 14, 2008 1:12 am
والله يا ديدو مش كل امنيات واحلام الشباب زي بعضها لكن هتلاقى نوعيات كتييييييييروهتلاقى منهم:-
1- اللى عايز يستقر وراسم طريقه كويس وناوي يحققه.
2- اللى عايز يستقر وراسم طريقه ومش عارف يحققه.
3- الل مش عارف ايه طريقه ولا راسم حاجه وقاعد يشخبط مش بيرسم ومش عارف اي حاجه فى اي حاجه ولا عارف البطيخ من التفاح وسايبها على بركة الله.
4- ..........الخ.
فى نوعيات كتير مش ينفع اقولها كلها.
المهم اكلمكم عن امنياتى واحلامي اللى ناوي اكمل طريقي فيها.
1- اول حاجه لازم اعملها لازم احافظ على علاقتي بربي اكتر من اللى انا فيه دلوقتى لان انا حالى مش عاجبني دلوقتى.
2- اخلص دراستي بتقدير كويس وناوى ادخل كليه هندسه قسم كمبيوتر او كلية حقوق وماحدش يسألني ازاى انا عارف ان الكليتين بعيد عن بعض خالص ودي علمي ودي ادبي لكن انا فكرت انى احول لأدبي عشان دراسة الازهر فيها شرعي وادبي وده مصعب الدراسه لكن رجعت فى الفكره دي حالياً على اخر لحظه الحمد لله على كل شئ.
كنت بقول ايه ................. اه اخلص دراستي.
2- ابعد طبعا عن اي طريق حب والكلام ده كله عشان اعرف اركز فى الدراسه لحد ما اخلص خالص.
3- بعد ما اخد شهاده فى ايدي أبدأ افكر هاشتغل فى القطاع العام ( عشم ابليس فى الجنه ) ولا هسافر ولا افتح مشروع اقدر اعيش منه ولا ايه بالظبت.
4- هاكون طبعاً لقيت ساعتها بنت الحلال اللى تنسابني.
5- طب هلاقى واحد يقوللى ايه هيا مواصفات بنت الحلال طبعا من حقه مش طلعت على كرسي الاعتراف برجلى يبقى لازم اجاوب وهقول مواصفتها
اول حاجه ماتكونش نكديه (اه الدنيا مش ناقصه نكد كفايا اللى الواحد هايعيش فيه) غير كده مافيش اي مواصفات معينه وبعدين دي المشاعر اللى بتتحكم فى الواحد بس طبعا بعد الواحد ما يحكم عقله الاول مايسبش نفسه كده لمشاعره وخلاص .
6- بعد كده هاكون اتجوزت والواحد اتلهى فى الدنيا والعيال وقرفهم يااااااااااااااه ده انا عجزت اوى بس يلا هانعمل ايه.
7- واللى ربنا يجيبه كويس.
بارب ماكونش تقلت عليكم وصدعتكم
